د انزلي ازاد سوداګریز زون مشر مصطفی طاعتي مقدم ویلي، له کاسپین بندر څخه افغانستان ته د لومړي ځل لپاره د سون توکو د ټرانزیټ بهیر پیل شوی او د ۵ زره ټنه روسي تېلو لومړۍ جوپه د رېل پټلۍ له لارې د افغانستان پر لور لېږدول شوې ده. د نوموړي په وینا، دغه انتقالات د کاسپین بندر له نوي نښلونکي رېل پټلۍ څخه د ګټې اخیستنې په چوکاټ کې ترسره کېږي. هغه زیاته کړې چې د خصوصي سکتور د پانګونې او د اړینو تجهیزاتو له نصب وروسته، مخزن لرونکو واګونو ته د تېلو خوندي بارولو اسانتیا برابره شوې، چې له امله به یې د ترانزیټ لګښتونه او د سړکونو ترافیکي ګڼه ګوڼه کمه شي.
