د راپورونو له مخې د نړیوالو خامو تېلو بیې د وروستیو دوو اوونیو تر ټولو ټیټې کچې ته رسېدلې دي. راپورونه ښيي چې په نړیوال بازار کې د تېلو د بیو د کمېدو لړۍ دوام لري. د مالوماتو له مخې، د «وېسټ ټېکساس انټرمیډیټ» هر بېرل خام تیل ۹۱ ډالرو او ۶۹ سنټو ته راټیټ شوي دي. همداراز د «برېنټ» خامو تېلو بیه هم د هر بېرل په سر ۹۸ ډالرو او ۲۴ سنټو ته کمه شوې ده. اقتصادي شنونکي وایي، د نړیوالو بازارونو بدلونونه او اقتصادي عوامل د تېلو پر بیو مستقیم اغېز لري. دوی زیاتوي، د بیو دوامداره کمېدل ښايي د انرژۍ واردوونکو هېوادونو لپاره مثبتې اقتصادي پایلې ولري او د ځینو مصرفي توکو پر نرخونو هم اغېز وکړي.
