د میدان وردګو ولایت د جلرېز او دایمیرداد ولسوالیو لپاره د ۴۰ میلیونه افغانیو په لګښت د ودانیو د جوړېدو چارې پیل شوې. د میدان وردګو والي ملا خیرالله خیرخواه د دغو پروژو د پرانیستې پر مهال ویلي، چې د امنیتي او اداري بنسټونو پیاوړتیا د خلکو د هوساینې او ثبات لپاره مهمه ده او ا.ا هڅه کوي، چې په بېلابېلو سیمو کې ورته پرمختیايي پروژې پلې کړي. د جلرېز ولسوال د دغو پروژو له پیل څخه خوښي څرګنده کړه او ویې ویل، چې د یادو ودانیو په جوړېدو سره به اداري چارې منظمې او خلکو ته به لا غوره خدمتونه وړاندې شي.
