د ایران د بهرنیو چارو وزیر عباس عراقچي ترکیې ته په سفر کې د دغه هېواد له ولسمشر رجب طیب اردوغان سره د دوهاړخیزو اړیکو، سیمهییز وضعیت او روانو بدلونونو په اړه خبرې کړې دي. دواړو لورو د ایران او ترکیې ترمنځ پر سیاسي، اقتصادي او امنیتي همکاریو پر پیاوړتیا ټینګار کړی. عراقچي د ستونزو د حل لپاره د ډیپلوماسۍ پر ارزښت ټینګار کړی او د تاوتریخوالي د مخنیوي غوښتنه یې کړې ده. اردوغان هم ویلي چې سیمه نوې شخړه نه شي زغملای او ټول لوري باید د خبرو لار خپله کړي.
