د افغانستان د عامه کتابتونونو رییس رفیع الله صمیم په کابل کې د اندونیزیا سفارت له شارژدافیر نندا ایوالیست سره کتلي دي. په دې لیدنه کې د افغانستان او اندونیزیا ترمنځ د کلتوري اړیکو پر دوام او پیاوړتیا خبرې شوې دي. صمیم له دغه ریاست سره د اندونیزیا د لا زیاتو او دوامدارو همکاریو غوښتنه کړې ده. دغه راز د اندونیزیا سفارت شارژدافیر ډاکټر نندا ایوالیست د افغانستان له عامه کتابتونونو ریاست سره د همکاریو د دوام ډاډ ورکړی او ویلي یې دي، هېواد به یې د څېړنیزو او کلتوري پروګرامونو د ترسره کولو او د دغه ریاست د تجهیز په برخو کې پوره همکاري وکړي. دواړو لورو د کلتوري اړیکو پر پياوړتیا ټینګار کړی.
