د لوګر د برېښنا ریاست مسوولین وایي، چې د دغه ولایت په مرکز پلعلم کې د ۴۴ میلیونه افغانیو په لګښت د ۲.۲ مېګاواټه برېښنا رسولو درې پروژې بشپړې او ګټې اخیستنې ته وسپارل شوې. د برېښنا رییس میر عبدالولي وايي، یادې پروژې د پلعلم د بابوس، ټنډان او ناصرو په کلیو کې عملي شوي چې د ۱۲ ترانسفرمرونو په فعالېدو سره شاوخوا دوه زره کورنۍ له وارداتي برېښنا برخمنې شوې. نوموړي زیاته کړه، د څرخ، برهکيبرک، او محمداغې ولسوالیو ته د برېښنا غځولو چارې هم روانې دي. د برېښنا عمومي رییس ډاکټر عبدالباري عمر ویلي، سږ کال د ۲۰ زره مېګاواټه برېښنا د تولید قراردادونه شوي او د ۵۰ ولسوالیو لپاره د برېښنا رسولو چارې پیل شوې دي.
