د صنعت او سوداګرۍ وزارت ویلي، چې نورالدین عزیزي چین ته د سفر په ترڅ کې د دې هېواد د هاینان ښار له مهمو اقتصادي، صنعتي او لوژستیکي تاسیساتو څخه لیدنه کړې ده. نوموړي په دې لیدنه کې د هایکو بندر له تاسیساتو او نوي ترمېنل، د هایکو عمومي ازادې سوداګریزې-صنعتي سیمې او د هایکو د هوايي ډګر د ازادې عمومي سیمې څخه لیدنه وکړه. د صنعت او سوداګرۍ وزارت زیاته کړې، چې دا لیدنه د چین د ازادو سوداګریزو سیمو له وړتیاوو او بریالیو بېلګو سره د بلدتیا، د سوداګریزو توکو د ترانزیټ په برخه کې د همکارۍ فرصتونو د ارزونې او د دوه اړخیزو اقتصادي اړیکو د پراختیا په موخه شوې ده.
