د افغانستان لپاره د پاکستان ځانګړي استازي د افغان کډوالو پر موضوع د کډوالو په چارو کې د ملګرو ملتونو د لویې کمشنرۍ له استازي سره خبرې کړې دي. محمد صادق پر خپلې ایکس پاڼې لیکلي، په اسلام اباد کې یې د (UNHCR) له استازې فلیپا کنډلر سره، په پاکستان کې د افغان کډوالو پر موضوع خبرې وکړې. په دغه کتنه کې د شویو بحثونو په اړه معلومات نه دي خپاره شوي، خو دا کتنه داسې وخت کېږي چې له پاکستان څخه د ۲۰۲۳م کال د نومبر له لومړۍ نېټې د بې اسناده افغان کډوالو ډله ییز اخراج روان دی.
