د چین مالي ملاتړ/ریښتینی اقتصاد
ایډي: 8407841
نېټه: د دسمبر 13، 2024
ځای: بېجینګ
موده: یوه دقیقه او یوه ثانیه
سرچینه: (CCTV)
محدودیتونه: د چینايي وګړو لپاره نه ده
خپور شوی: 2024-12-13 15:24
وروستی سمون: 2024-12-13 15:28
بشپړ خبر
د چین د بهرنیو چارو وزیر وانګ یي د جمعې په ورځ په بېجينګ کې د شانګهای همکارۍ سازمان له عمومي منشي ژانګ مينګ او د یاد سازمان له راتلونکي عمومي منشي نورلان یرماکبایوف سره وکتل.
په یاده کتنه کې وانګ يي د شانګهای همکارۍ سازمان د پرمختګ په برخه کې د ژانګ مينګ هڅې وستایلې او د دغه سازمان راتلونکي عمومي منشي نورلان یرماکبایوف ته یې د نوې دندې مبارکي ورکړه. هغه وویل چې چین به د دارالانشاء چارو په ترسره کولو کې ملاتړ او اسانتیاوې برابرې کړي.
نوموړي دغه راز وویل، چې په تېرو دریو کلونو کې، د غړو هېوادونو د مشرانو په مشرۍ او د غړو هېوادونو د ګډو هڅو له امله، شانګهای همکارۍ سازمان په پیاوړې توګه پرمختګ کړی او د همکارۍ پراختیا ته یې لومړیتوب ورکړی او لا پیاوړی شوی دی.
وانګ يي دې ته په اشارې سره چې چين اوس د شانګهای د همکارۍ سازمان دوره يي مشري په غاړه لري زیاته کړه، چې هېواد یې د شانګهای همکارۍ سازمان په روښانه راتلونکي بشپړ باور لري او په دې سازمان کې د خپلو هڅو د پرمخ وړلو لپاره ټولې هڅې کوي. او د نورو غړو هېوادونو سره په ګډه کار کولو ته تیار دی، څو دغه سازمان د نړیوالو اړیکو د ثبات لپاره یوه ځواکمنه منبع، د غړو هېوادونو لپاره د پرمختګ او بیاځلې پیل یوه باوري سرچینه، او د سیمې د خلکو لپاره یوه خوښ کور جوړ شي.
په دغه لیدنه کې د شانګهای همکارۍ سازمان عمومي منشي ژانګ مينګ وویل، چې په تېرو درېو کلونو کې د شانګهای همکارۍ سازمان سکرتریت د غړو هېوادونو د باور، د چین د ملاتړ او د شانګهای روحیې د لارښوونې په مرسته ډېرې لاسته راوړنې ترلاسه کړې دي. هغه دغه راز زیاته کړه چې سکرتریت په بېلابېلو برخو کې د همکارۍ د پراختیا، د سازمان نړیوال تاثیر د زیاتوالي او په غړو هېوادونو کې د خلکو د ګټې احساس لوړولو لپاره جدي هڅې کړې دي. ژانګ په دې ټینګار وکړ چې سکرتریت د نوي ډول نړیوالو اړیکو جوړولو او د ګډ راتلونکي په لور د پرمختګ لپاره یوه روښانه هڅه کړې ده.
په ورته مهال بیا د دغه سازمان راتلونکي سر منشي د شانګهای همکارۍ سازمان په پرمختګ کې د چين د مخکښ رول په اړه خبرې وکړې او ويې ويل چې د سرمنشي په توګه د دندې تر اخيستلو وروسته به د چين د ولسمشرۍ له کارونو څخه په بشپړه توګه ملاتړ ته دوام ورکړي او د راتلونکي کال د شانګهای سازمان سرمشريزې غونډې ته به د چمتووالي په موخه په ګډه کار وکړي.
