ایډي: 8393979
نېټه: د سپتمبر 7، 2024
ځای: الجزایر
موده: یوه دقیقه او اولس ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 2024-09-07 19:07
وروستی سمون: 2024-09-07 19:14
الجیرز، الجیریا – د سپتمبر 7، 2024 (CCTV) د چینايي وګړو لپاره نه ده
بشپړ خبر
د الجزایر وګړو د شنبې په ورځ د خپل راتلونکي ولسمشر د ټاکلو لپاره د رایو ورکولو مرکزونو ته لاړل، تمه کېږي څه باندې ۲۳ میلیونه په شرایطو برابر رایې ورکوونکي په یادو ټاکنو کې برخه واخلي.
رایه اچونه د شنبې په ورځ سهار وختي پیل شوه او په ټول هېواد کې د رایې ورکولو مرکزونه په ځايي وخت د سهار په ۸ بجو پرانیستل شول. د رایې ورکولو ګرځنده مرکزونه د چهارشنبې راهیسې فعال وو، څو د لرې پرتو سیمو رایه ورکوونکي هم یادو مرکزونو ته لاسرسی ومومي، دغه راز د اته سوه زرو څخه زیاتو الجزایري وګړو چې په بهر کې ژوند کوي رایې اچونه یې د تېرې اونۍ په نیمایې کې پیل شوې وه.
ویل کېږي د ټاکنو خپلواکه اداره د رایې ورکولو بهیر څاري.
د ولسمشرۍ د ټاکنو په دې بهیر کې اوس مهال درې نوماندان په سیالۍ کې برخه لري.
اوسنی ۷۸ کلن ولسمشر عبدالمجید تبوون چې د پراخ ملاتړ سره د خپلواک نوماند په توګه د دوهم ځل لپاره ځان کاندیدوي، او دوه نور نوماندان هم د پام وړ مخکښې څېرې دي.
دا په داسې حال کې ده چې ولسمشر تریبون د مارچ میاشتې په ۲۱مه پرېکړه وکړه چې د ولسمشرۍ ټاکنې له خپلې مودې څخه مخکې ترسره کړي. معمولاً دغه ټاکنې باید د ډسمبر په میاشت کې شوې وای، خو د تخنیکي دلایلو له امله له وخت مخکې ترسره کېږي.
د الجزایر د ټولټاکنو د قانون له مخې، هغه کاندید چې تر نیمایي زیاتې رایې ترلاسه کړي د نوي ولسمشر په توګه ټاکل کېږي، که چېرې کوم کاندید دغه اکثریت ته ونه رسېږي، دوه مخکښ نوماندان به د ۳۰ ورځو په اوږدو کې دننه په دویم پړاو ټاکنو کې له یو بل سره بیا سیالي کوي.
