د چین- کانګو جمهوریت/ ولسمشر/ راتګ
ایډي: 8392958
نېټه: د سپتمبر 2، 2024
ځای: چین
موده: ۱۳ ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 2024-09-02 07:41
وروستی سمون: 2024-09-02 08:17
چین بیجینګ، – د سپتمبر 2، 2024 (CCTV) د چینايي وګړو لپاره نه ده
بشپړ خبر
د کانګو د جمهوریت ولسمشر ډینیس ساسو نګیسو د دوشنبې په ورځ بېجینګ ته ورسېد، څو د ۲۰۲۴ کال د چین او افریقا د همکارۍ د فورم (FOCAC) په سرمشریزه کې ګډون وکړي. دغه سرمشریزه به د سپټمبر میاشتې له ۴مې څخه تر ۶مې نېټې پورې د چین په پلازمېنه بېجینګ کې ترسره شي.
د نوموړي الوتکه پرون شاوخوا ۸:۳۰ بجې د بېجینګ په نړیوال هوايي ډګر کې کښېناسته.
ویل کېږي سږ کال د چين او کانګو جمهوريت ترمنځ د ډيپلوماتيکو اړيکو د ټينګېدو شپېتمه کليزه ده، او ولسمشر ساسو یو له هغو افریقایي مشرانو څخه دی چې چین ته یې ډېر ځله سفرونه کړي دي.
د یادولو وړ ده چې په ۲۰۱۶ کال کې د دواړو هېوادونو مشرانو د هراړخيزو ستراتيژيکو همکاريو د جوړولو اعلان هم کړی و.
په تېره نیمه پېړۍ کې د دواړو هېوادونو ترمنځ همکارۍ په بېلابېلو برخو کې ګټورې او مثبتې پایلې ترلاسه کړې دي.
بلخوا په ۲۰۱۸ کال کې هم د چین او کانګو جمهوریت تر منځ یو تړون لاسلیک شو، څو د کمربند او لارې د نوښت په برخه کې ګډ کار وکړي.
همدارنګه په ۲۰۲۲ کال کې د دواړو هېوادونو ترمنځ سوداګري ۶.۵۷ میلیارده امریکایي ډالرو ته ورسېده، چې د ۲۰۲۱ کال په پرتله یې ۲۲ سلنه زیاتوالی موندلی و.
یاده دې وي چې په دې وروستیو کلونو کې چین د کانګو جمهوریت ته بېړنۍ خوراکي مرستې هم برابرې کړې او په دغه هېواد کې یې د نوي پارلمان ودانۍ په جوړولو کې مرسته کړې ده. همدارنګه د یوې هوايي بېړۍ د ساتنې مرکز د جوړولو پروژه هم اوس روانه ده چې ډېر ژر په بشپړه شي.
دواړو هېوادونو په مهمو موضوعاتو کې د یو بل ملاتړ کړی دی.
دواړه لوري هیله لري چې د خپلو ډیپلوماتیکو اړیکو د شپېتمې کلیزې او د چين او افريقا ترمنځ د همکارۍ فورم د سرمشریزې په کارولو سره خپل سیاسي اعتماد نور هم پیاوړی کړي او همکاري ژوره کړي او اړیکې لا لوړې کړي.
د ویلو وړ ده چې د چين او افريقا ترمنځ د همکارۍ فورم راتلونکې سرمشریزه به “د عصري کولو لپاره په ګډه هڅې کول او د ګډ راتلونکي لپاره د لوړې کچې ټولنې رامنځته کولو” تر عنوان لاندې ترسره کېږي.
د راپورونو په اساس ویل کېږي چې د چین ولسمشر شي جین پینګ به د سپټمبر په ۵مه نېټه د پرانيستې په مراسمو کې یوه مهمه وینا هم وکړي.
