ټونگا – آرام سمندر ټاپو هېوادونه / چین
ایډي: 8392508
نېټه: د اګست 28، 2024
ځای: ټونګا
موده: ۵۹ ثانیې
سرچینه: (CCTV) او(CGTN)
محدودیتونه: د چینايي وګړو لپاره نه ده
خپور شوی: 2024-08-31 17:19
وروستی سمون: 2024-08-31 17:23
ویډیویي صحنې
ټونگا نوکوالافا، – د اګست 28، 2024 (CCTV) د چینايي وګړو لپاره نه ده
بشپړ خبر
د ارام سمندر د ټاپوګانو هېوادونو لپاره د چين ځانګړي استازي کيان بو ویلي، چين د اقليمي بدلون د مخنيوي په برخه کې د ارام سمندر له هېوادونو سره مرستې کولو ته چمتو دی. نوموړي دغه څرګندونې د ارام سمندر د ټاپوګانو هېوادونو د مشرانو په ۵۳مه غونډه کې وکړې، چې له دوشنبې څخه تر جمعې پورې د تونګا په پلازمېنه نوکوالافا کې تر سره شوه.
نوموړي د یادې غونډې پر مهال زیاته کړې، بېجینګ ژمن دی چې د ارام سمندر د ټاپوګانو هېوادونو سره په اغېزناکه توګه د اقليمي بدلون د مخنيوي په برخه کې مرسته وکړي او په تدريجي ډول له ځان او نړۍ سره خپلې ژمنې د رغنده چارو له لارې پوره کړي.
هغه يادونه وکړه چې چين لا له وړاندې له دغو هېوادونو سره د زرغونې انرژۍ په برخه کې مرستې کړې دي چې اوس مهال څو پروژې تر کار لاندې دي. نوموړي پر ټولو هېوادونو غږ وکړ چې د زرغون ودې په برخه کې پرانيستې همکارۍ ته غاړه کېږدي، څو ګډ پرمختګ ترلاسه کړی شي.
په ورته مهال بیا د امريکا د بهرنيو چارو مرستيال وزير کورت کمپبل د ښاغلي کيان بو د خبرو په ځواب کې وويل، چې امريکا د اقليمي بدلون په څېر مسايلو کې له چين سره بشپړ ګډکار کولو ته چمتو ده.
د ارام سمندر ټاپوګانو فورم چې په ۱۹۷۱ کال کې تاسیس شوی، ټول ۱۸ غړي هېوادونه لري چې هر کال د سیمه ییزو ننګونو سره د مبارزې لپاره یو ځای کېږي. سږنۍ غونډه چې په ټونگا کې «د بدلون انعطاف وړ ارام سمندر اوس ښه جوړ کړئ» تر عنوان لاندې جوړه شوې وه د نړۍ له ګوټ ګوټ څخه د سیاسي مشرانو، سوداګرو شخصیتونو، او د مدني ټولنې استازو په ګډون پکې نږدې ۱,۰۰۰ څخه ډېرو کسانو ګډون کړی و.
