د چین پوځي بدلون پروګرام / سمندري
ایډي: 8388284
نېټه: وروستۍ
ځای: چین
موده: شپږ دقیقې او اته ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 2024-07-31 06:38
وروستی سمون: 2024-07-31 06:43
بشپړ خبر
د چین د پوځي بدلون په اړه یو نوی مستند فلم به د (CGTN) له لارې نندارې ته وړاندې شي. دا فلم د چين د خلکو د ازادۍ پوځ (PLA) ته ژوره کتنه وړاندې کوي، چې د اګست په لومړۍ نېټه خپله ۹۷مه کليزه نمانځي.
د (Aspire Higher The PLA Advances) یا د لوړې هیلې پرمختګونو په نوم دغه لړۍ ټاکل شوې ده چې د چهارشنبې په ورځ په پرله پسې شپږو شپو کې خپره شي. دا د چين د پوځي سمون او ورخلاصون هڅو ته يوه نادره او بصيرت لرونکې کتنه وړاندې کوي.
د (پرانیستې بحیرې) په نوم لومړۍ برخه د چین د خلکو د آزادۍ اردو سمندري ځواک عصري کولو ته ځانګړې شوې ده. یاده برخه د څو افسرانو تفصيلي توضیحات وړاندې کوي، دغه راز د دوی رول، مسؤلیتونه، او د دې بدلون هڅو کې ونډې په ګوته کوي.
د یادولو وړ ده چې په ۲۰۱۸ کال کې د چين د ولسمشر شي جين پينګ د چين د عصري کولو د پراخو هڅو د يوې برخې په توګه د دغه پوځ د سمندري ځواک د «نړۍ په کچه ځواک» بدلولو هوډمن هدف وټاکه.د دې هدف د تر لاسه کولو لپاره د چين سمندري ځواک د خپلو وړتياوو د لوړولو او پياوړتيا لپاره د پام وړ هڅې کړې دي.
له هغه وروسته د ۲۰۱۹ کال په ډسمبر میاشت کې چين د لومړي ځل لپاره په کور دننه جوړه شوې الوتکه وړونکې بېړۍ په شان دونګ کې فعالیت پیل کړ چې وروسته یاد پرمختګ د څو نورو بېړیو په اضافه کولو سره د سمندري ځواکونو وړتیا نوره هم لوړه کړه.
دغه مستند فلم د چین د سمندري ځواکونو د جوړولو لپاره هڅې په ګوته کوي، چې له ساحلي دفاع څخه په ازادو اوبو کې د ملي حاکميت او د پرمختيايي ګټو د دفاع لپاره د زياتو مسووليتونو په سرته رسولو سره بوخت دي.
