د بهرنیو چارو وزارت ویاند
ایډي: 8388230
نېټه: د جولای 31، 2024
ځای: چین
موده: ۵۸ ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 2024-07-31 01:17
وروستی سمون: 2024-07-31 06:22
ویډیويي صحنې
چین بېجینګ، – د جولای 31، 2024 (CCTV)
۱ـ مطبوعاتي کنفرانس روان دی
۲ـ ګڼ خبریالان
۳ـ د چين د بهرنيو چارو د وزارت وياند لين جيان
۴ـ ګڼ خبریالان
۵ـ مطبوعاتي کنفرانس په جریان کې ده
بشپړ خبر
د چين د بهرنيو چارو وزارت وياند لين جيان د چهارشنبې په ورځ په پلازمېنه بېجينګ کې د يوې خبري ناستې پر مهال ویلي، چين د حماس د سياسي دفترد مشر اسماعيل هنيه وژنه په کلکه غندي.
نوموړي د خبري ناستې پر مهال ویلي، چې موږ دا پېښه له نږدې څارو او په کلکه د دې وژنې مخالفت او غندنه کوو. موږ اندېښمن یو چې دا پېښه ښايي په سيمه کې د بې ثباتۍ لامل شي. چين تل پر دې ټينګار کوي چې سيمه ييزې شخړې بايد د خبرو اترو له لارې هوارې شي. نوموړي زیاته کړې چې په غزه کې دایمي اوربند باید ژر تر ژره عملي شي څو د جګړې او شخړې د لا زیاتېدو مخه ونیول شي.
د ایران د اسلامي انقلاب ګارډ قول اردو (IRGC) د چهارشنبې په ورځ خبر ورکړ چې د حماس مشر او یو ساتونکی یې د ایران په پلازمېنه تهران کې وژل شوي دي. د حماس اسلامي غورځنګ د خپل مشر مړینه تایید کړه او ادعا یې وکړه چې هنیه په ایران کې د اسراییلو په برید کې وژل شوی دی.
