د چین د بهرنیو چارو وزارت خبرتیا/میانمار
ایډي: 8387378
نېټه: د جولای 25، 2024
ځای: چین
موده: ۵۳ ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 2024-07-25 22:13
وروستی سمون: 2024-07-25 22:16
ویډيويي صحنې
بېجینګ، چین – د جولای 25، 2024 (CCTV -) د چینايي وګړو لپاره نه ده
۱ـ بېلابېل مطبوعاتي کنفرانسونه روان دي، خبريالان
۲ـ غږ(چینایي) د بهرنیو چارو وزارت ویانده ماو نینګ،
۳ـ په مطبوعاتي کنفرانس کې ګڼ خبریالان
بشپړ خبر
د چین د بهرنیو چارو وزارت ویاندې اغلې ماو نېنګ د پنجشنبې په ورځ ویلي، چې بېجینګ د میانمار په شمال کې وضعیت له نږدې څاري او د اوربند او سولې خبرو ته به دوام ورکړي. هغې دا څرګندونې د میانمار په شمالي سیمه کې له چین سره پولې ته نږدې د یاغیانو د وسله والې ډلې او حکومتي ځواکونو ترمنځ د پوځي شخړې د راپورونو په ځواب کې وکړې.
نوموړې په پلازمېنه بېجینګ کې د یو خبري غونډې پر مهال د ورستیو راپورونو په ځواب کې زیاته کړې، چې چين به د ميانمار په شمال کې د سولې خبرو اترو ملاتړ ته دوام ورکړي او له اړوندو خواوو څخه يې وغوښتل چې د چين د پولو او د اوسېدونکو د امنيت د تامينولو لپاره لا هڅې وکړي.
د چین د بهرنیو چارو وزرات ویاندې دغه راز ویلي، چین د میانمار له اړوندو خواوو څخه غوښتنه کړې چې ژر تر ژره اوربند ته د رسېدو لپاره خبرو او مذاکراتو ته دوام ورکړي. دغه راز چین له دواړو خواوو غواړي چې خپلمنځي اختلافات په سوله ييزه توګه حل کړي او د وضعیت له ترینګلتیا څخه ډډه وکړي، نوموړې زیاتوي چې بېجینګ به د چين د پولو او د پولې په اوږدو کې د اوسېدونکو او همدارنګه په ميانمار کې د چينايي پروژو او سوداګریزو شرکتونو او پرسونل د خونديتوب لپاره د سولې خبرو اترو ته دوام ورکړي او په شمالي ميانمار کې به د اوربند او سولې خبرو اترو چټکتيا ته لا ډېر کار وکړي.
د یادونې وړ ده چې په میانمار کې یوې توکمیزې وسله والې ډلې د پنجشنبې په ورځ ادعا وکړه چې له چین سره پولې ته څېرمه د لاشیو په ښارګوټي کې یې د پوځ مرکزي دفتر نیولی دی، په داسې حال کې چې د میانمار پوځ دا ادعا رد کړې او ویلي دي چې دا ادعا ناسمه ده.
