چین توپاني بارانونه / ګانسو
ایډي: 8387356
نېټه: د جولای 25، 2024
ځای: ګانسو، چین؛
موده: یوه دقیقه او دیارلس ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 25-07-2024 04:01
وروستی سمون: 2024-07-25 04:05
ویډيويي صحنې
شمال لوېدیځ چین – د جولای 24، 2024 (CCTV) د چینايي وګړو لپاره نه ده
۱ـ د سېلابونو له امله ویجاړ شوي کورونه
۲ـ د سېلابونو ویډيويي صحنې
۳ـ په ویجاړ شوي سړک کې ژغورونکي ډلې
بشپړ خبر
د چين په شمال لوېديځ د ګان سو ولايت په لونګ نان ښار کې د سختو بارانونو له کبله د رامنځته شويو سېلابونو وروسته د ژغورنې او مرستې پراخې هڅې پيل شوې دي.
د دې هڅو موخه دا ده چې ځایي کلیو او اوسېدونکو ته اوښتي زیانونه راکم کړي.
د چهارشنبې په ورځ د سانه ښارګوټي په یاګوو کلي کې د باران له امله د ځمکې ښویېدنه وشوه چې په پایله کې یې درې کسان لادرکه شوي دي. دغه راز یاد ناورین په سیمه کې د سړکونو ترافیک، د برېښنا مزي او مخابرات په بشپړه توګه ګډوډ کړي دي.
په ورته مهال کې د لونګ نان ښار چارواکو په سمدستي توګه د ژغورنې بېلابېل ټیمونه تنظیم کړي څو ناورین ځپلو سیمو ته ورسېږي او د ورکو شویو کسانو لټون وکړي. د چارواکو په وینا، په سیمه کې د سېلابونو له راوتلو وروسته د ژغورنې ګڼ عملیات هم پیل شوي دي.
د راپورونو له مخې، د لونګ نان ښار په وینژیان سیمه کې سېلابونو د چهارشنبې په سهار شاوخوا ۶بجې د ملي لویې لارې ډېری برخې لاندې کړې دي.
د ترافیکي مدیریت چارواکو د بیکو ټاون اوجیو ژیاګو سیمې ته په غځېدلو سړکونو لنډمهاله ترافیکي محدودیتونه هم لګولي دي.
د ویلو وړ ده چې د چهارشنبې په ورځ تر ناوخته ماسپښینه د لسو سړکونو څخه اته چې د ترافیکي خنډونو له امله زیانمن شوي وو، اوس پاک شوي، او ډېری لارې اوس د ترافیکو لپاره پرانیستې دي.
