د چین او فلسطین پخلاینې/استازی
ایډي: 8387117
نېټه: د جولای 23، 2024
ځای: چین او نور
موده: یوه دقیقه او اوویشت ثانیې
سرچینه: (CCTV) او (CGTN)
محدودیتونه: د چینايي وګړو لپاره نه ده
خپور شوی: 23-07-2024 05:29
وروستی سمون: 23-07-2024 05:33
ویډیويي صحنې
بېجینګ، چین – (د جولای 23، 2024 (CCTV د چینایي وګړو لپاره نه ده
۱ـ د چين د بهرنيو چارو وزير وانګ يي د فلسطين د مهمو ډلو له استازو سره یو ځای
۲ـ استازي د ګروپي عکس اخیستلو پر مهال
۳ـ غږ (انګلیسي) د فلسطین ملي نوښت ګوند عمومي منشي مصطفی برغوتي
بشپړ خبر
د فلسطين يوه لوړ پوړي استازي د فلسطيني ډلو ترمنځ د روغې جوړې د موافقې لپاره د چين د منځګړيتوب ستاينه وکړه او څرګنده يې کړه چې دغه بهير د چين د پرله پسې هڅو له امله ښه پرمخ ځي.
په ورته وخت کې د فلسطين د ملي نوښت ګوند سرمنشي مصطفی برغوتي د سه شنبې په ورځ په بېجينګ کې د فلسطيني ډلو د استازو ترمنځ د روغې جوړې د خبرو اترو د پای په مراسمو کې د چين د نه ستړې کېدونکو هڅو ستاينه وکړه.
نوموړي د خپلو خبرو په دوام سره زیاته کړه، چې موږ د چین د ملاتړ څخه مننه کوو. که چېرې د چین هڅې او مرستې نه وای، نو دا به زموږ لپاره ډېره ستونزمنه وه چې دې موافقې ته ورسېږو. موږ نه یوازې د فلسطین د ملي یووالي د ملاتړ لپاره د چین د هڅو ستاینه کوو، بلکې موږ د ولسمشر شي جین پینګ او هم د چین د بهرنیو چارو وزیر او د بهرنیو چارو وزارت د فلسطیني ولس د حقونو په ملاتړ او د فلسطین د خلکو په وړاندې یرغل او اشغال، په ځانګړې توګه په فلسطین کې د دې نسل وژنې د مخنیوي لپاره د هغوی د مبارزې ستاینه کوو.
د یادونې وړ ده چې د چين په بلنه د ۱۴ فلسطيني ډلو لوړ پوړو استازو د جولای له ۲۱مې نېټې څخه تر ۲۳مې نېټې پورې په پلازمېنه بېجينګ کې د روغې جوړې خبرې اترې وکړې او فلسطيني ډلو د نفاق د ختمولو او د يووالي د پياوړتيا په اړه يوه اعلاميه هم لاسليک کړه.
دا لومړی ځل دی چې د فلسطین ۱۴ ډلې په بېجینګ کې د پخلاینې د خبرو اترو لپاره سره راټولې شوې دي، چې د فلسطیني ولس لپاره یې ارزښتناکه هیله رامنځته کړې ده.
