د چین-هانګ کانګ کتاب نندارتون
ایډي: 8386371
نېټه: د جولای 19، 2024
ځای: چین
موده: یوه دقیقه او وویشت ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 2024-07-19 07:26
وروستی سمون: 2024-07-19 07:31
ویډيويي صحنې
چین هانګ کانګ، – د جولای 17، 2023 (CCTV) د چینايي وګړو لپاره نه ده
۱ـ د هانګ کانګ کتاب د 34م نندارتون ګڼ شمېر لیدونکي، نندارتونونه
۲ـ غږ (چینایي) یونګ فنګ ینګ میشل، لیدونکی
۳ـ د مختلفو لیدونکو، نندارتون
۴ـ غږ (چینایي) د هانګ کانګ فوجیان یونګان ټولنې مشر لیم چینګ
بشپړ خبر
د هانګ کانګ د کتابونو ۳۴م نندارتون د چهارشنبې په ورځ پرانیستل شو او د یوې اونۍ لپاره به پکې څه باندې ۶۰۰ فعالیتونه نندارې ته وړاندې شي.
په یاده ورځ لوستونکي د هانګ کانګ کنوانسیون او نندارتون مرکز ته راټول شوي، څو د بېلابېلو نندارتونونو لخوا ترتیب شوي کتابونه غوره کړي.
د سږ کال د نندارتون په جریان کې لیدونکي کولی شي د نړۍ له ګوټ ګوټ څخه لیکوالانو سره هم وګوري. دغه راز د یاد نندارتون پر مهال د سوو تونګ او جين يوچينګ په شمول به مشهور ليکوالان ویناوې وکړي.
د روان کال یاد نندارتون د فلم او ټلویزیوني ادبیاتو موضوع ته د رسېدو لپاره، د فلمونو کلپونه او د فلم عکسونه د اصلي ناولونو تر څنګ نندارې ته پکې وړاندې کېږي چې فلمونو ترې جوړ شوي دي.
د سږ کال په نندارتون کې د چين څخه د کتابونو يوه برخه هم ځانګړې شوې وه چې د چین له ٦٠ څخه زياتو خپروندویو کمپنیو څه باندې لس زره بېلابېل کتابونه نندارې ته پکې وړاندې کړي و.
د نندارتون پر مهال یو تن ليدونکی يونګ فنګ ينګ ميشل وویل، چې سږ کال ما وليدل چې د کتابونو د نندارتون کچه پراخه شوې ده، دغه راز د نندارتونونو او د ګډون کوونکو خپرندويه موسسو په شمېر کې هم زياتوالی راغلی دی زه هيله لرم چې د کتاب نندارتون د هانګ کانګ او چین ترمنځ د کلتوري تبادلې د پياوړتيا لپاره يو مهم پول وګرځي.
په ورته مهال د هانګ کانګ د فو جيان يونګان ټولنې مشر ليم چينګ وايي، چې موږ زيات ځوانان هڅوو چې د کتاب نندارتون ته راشي څو د بېلا بېلو څانګو کتابونه وګوري او زموږ د هېواد په اړه لا نور معلومات زده کړي.
د ویلو وړ ده چې د سږ کال د کتابونو نندارتون به د جولای میاشتې تر ۲۳ نېټې پورې دوام وکړي.
