د چین د بهرنیو چارو وزارت خبرتیا/جرمني/Huawei
ایډي: 8385382
نېټه: د جولای 12، 2024
ځای: بجینګ
موده: یوه دقیقه او پنځه ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 2024-07-12 02:51
وروستی سمون: 2024-07-12 06:35
ویډیويي صحنې
چین بېجینګ – د جولای 11، 2024 (CCTV) د چینايي وګړو لپاره نه ده
۱ـ مطبوعاتي کنفرانس روان دی
۲ـ د چين د بهرنيو چارو وزارت وياند لين جيان
۳ـ ګڼ خبریالان
بشپړ خبر
د چین د بهرنیو چارو وزارت ویاند لین جیان د پنجشنبې په ورځ وویل، چې بېجینګ هیله لري چې جرمني هېواد به د خپل (5G) انټرنېټي پوښښ څخه د هوواوې (Huawei) اجزاو لرې کولو په اړه سمې پرېکړې وکړي.
د جرمني حکومت پرېکړه کړې چې د ملي امنیتي دلایلو له امله د ۲۰۲۶ کال تر پایه پورې د (5G) انټرنېټي شبکې څخه د چین د څو ملي ډیجیټل مخابراتي ټېکنالوژۍ شرکت (Huawei) اجزاوې او پرزې لرې کولو پلان باندې موافقه کړې. او همدارنګه به د ۲۰۲۹ کال په پای کې د هوواوې (Huawei) شرکت او زي ټي اې (ZTE) په څېر شرکتونو لخوا جوړ شوي ټولې چینایي پرزې له منځه یوړل شي.
د یادونې وړ ده چې لین جیان په پلازمېنه بېجینګ کې یوې خبري غونډې ته ویلي. چې چینایي مخابراتي شرکتونه لکه هوواوې (Huawei) په اروپا کې د ډېرو کلونو راهیسې فعالیت کوي او د لوړ کیفیت د مخابراتو زېربنا په جوړولو کې مرسته کوي، دغه راز په اروپا کې د خلکو لپاره ډېرې دندې رامنځته کوي او د اروپا لپاره د مالیاتو عاید لوړوي. د نوموړي په خبره چې هېڅ داسې شواهد نشته چې دوی دې اروپایي هېوادونو ملي امنیت ګواښي. د سوداګرۍ، ټېکنالوژۍ او ساینس سیاسي کول به یوازې د عادي ټېکنالوژیکې تبادلې او همکارۍ ګډوډې کړې، کوم چې د ښکېلو اړخونو په ګټه نه دي، ښاغلي لین جیان د خپلې وینا پر مهال زیاته کړه چې هیله لرو څو جرمني حقایقو ته درناوی وکړي او د خپلو ګټو او نړیوالو قوانینو پر بنسټ مدبرانه پرېکړې وکړي دغه راز جرمني هېواد بايد د چين په ګډون د ټولو هېوادونو د سوداګرۍ لپاره عادلانه او ازاد بازار برابر کړي.
