چین او بېلاروس/ د بهرنیو چارو وزیرانو
ایډي: 8384954
نېټه: د جولای 8، 2024
ځای: چین
موده: ۴۴ ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 2024-07-09 07:07
وروستی سمون: 2024-07-09 08:36
ویډيويي صحنې
چین بېجینګ، – د جولای 8، 2024 (CCTV) د چینايي وګړو لپاره نه ده
۱ـ د غونډې څخه بهر ځای
۲ـ د چین د بهرنیو چارو وزیر وانګ یي د بیلاروس د بهرنیو چارو وزیر ماکسیم ریژینکوف سره د روغبړ کولو او انځور اخیستلو پر مهال
۳ـ د وانګ یي او ریژینکوف ترمنځ بېلابېلې ناستې روانې دي. په غونډه کې د دواړو خواوو چارواکي
بشپړ خبر
د چين د بهرنيو چارو وزير وانګ يي د دوشنبې په ورځ په پلازمېنه بېجينګ کې د بېلاروس د بهرنيو چارو له وزير ماکسيم ريژنکوف سره خبرې اترې وکړې.
د چين د کمونېست ګوند د مرکزي کمېټې د سياسي بيورو غړي وانګ يي وويل چې په دې وروستيو کې د چين او بېلاروس مشرانو د قزاقستان په پلازمېنه استانه کې سره وکتل . په یاده کتنه کې دواړو لورو په بېلا بېلو برخو کې د دوه اړخيزو اړيکو او همکاريو نوي تدبيرونه ونيول.
نوموړي ویلي، چې چين غواړي له بېلاروس سره يو پر بل باور او ملاتړ ته دوام ورکړي او دواړې خواوې هراړخيزې ستراتيژيکې همکارۍ لا پياوړې کړي څو د پام وړ پايلو ته ورسېږي.
بل لور د بېلاروس د بهرنيو چارو وزير وويل، چې بېلاروس چمتو دی چې له چين سره د خپلو مشرانو له خوا د مهمو تړونونو د عملي کولو او په بېلا بېلو ساحو کې د عملي همکارۍ د پراخولو لپاره ګډ کار وکړي. نوموړي د شانګهای په همکارۍ سازمان (SCO) کې د بېلاروس د غړیتوب له امله د چين له ملاتړ څخه هم مننه وکړه او ويې ويل چې بېلاروس به په فعاله توګه د شانګهای همکارۍ سازمان په فعاليتونو کې برخه واخلي.
دواړو لورو د اوکراین د کړکېچ په اړه هم خپل نظرونه شریک کړل.
د یادونې وړ ده چې د وانګ يي په بلنه، ريژنکوف د جولای له شپږمې نېټې څخه تر نهمې نېټې پورې چين ته په رسمي سفر تللی دی.
