د چین د لومړي وزیر مرستیال /بهرنۍ پانګه اچونه
ایډي: 8383874
نېټه: د جولای 1، 2024
ځای: چین
موده: ۴۸ ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 2024-07-02 09:23
وروستی سمون: 2024-07-02 09:27
ویډیویي صحنې
بېجینګ، چین – د جولای 1، 2024 (CCTV) د چینايي وګړو لپاره نه ده
۱ـ د بهرنۍ پانګونې په اړه د سمپوزیم چارې روانې دي
۲ـ د چین د لومړي وزیر مرستیال هې ليفېنګ د سمپوزیم مشري کولو پر مهال
۳ـ ګڼ شمېر ګډونوال، مرستیال د خبرو کولو پر مهال؛ سمپوزیم روان دی
بشپړ خبر
د چين د لومړي وزیر مرستیال د دوشنبې په ورځ په بېجينګ کې د بهرنيو پانګونو په اړه د يوه سمپوزيم د مشرۍ پر مهال د بهرنيو پانګو د جذبولو او کارولو لپاره د اقدام غوښتنه وکړه.
ښاغلی مرستیال لومړي وزیر چې د چين د کمونېست ګوند د مرکزي کمېټې لوړپوړی غړی هم دی د چين بازار ته د بهرنيو کاروباریانو د ننوتلو د اسانتياوو رامنځته کېدو غوښتنه وکړه. هغه د لا زياتې پانګونې د راجلبولو لپاره د چين لوی بازار په کارولو هم ټينګار وکړ.
نوموړي د خپلو خبرو په دوام سره وویل، چې چين بايد د يو عادلانه او نړيوال سوداګريز چاپېريال په جوړولو تمرکز وکړي. هغه د تجهیزاتو په لوړولو، دولتي قراردادونو او داوطلبۍ کې د کورنیو او بهرنیو شرکتونو په مساوي ملاتړ ټینګار وکړ. نوموړي زیاته کړه چې د بهرنیو شرکتونو اندېښنو ته په چټکه او اغېزناکه توګه د رسېدو په اهمیت هم ټینګار کوي.
ښاغلی هې ليفېنګ دغه راز زیاتوي، چې هغه ولايتونه چې تر ټولو زيات بهرنۍ پانګونه تر لاسه کوي، بايد خپل خدمات ښه کړي او د بهرنۍ پانګونې د پروژو پلي کول چټک کړي. هغه د پانګې اچونې د راجلبولو او د بهرنۍ پانګې راوړلو او نوې لارې موندلو لپاره د ازمویښتي وړیا سوداګریزو زونونو په څېر پلاټ فارمونو کارولو وړاندیز هم وکړ.
