د غزې تړانګه – شخړه / مرګ ژوبله
ایډي: 8383731
نېټه: د جون 30/24/22/9، 2024
ځای: بېلابېل
موده: یوه دقیقه او پنځه دېرش ثانیې
سرچینه: (CCTV)او (CGTN)
محدودیتونه: د چینايي وګړو لپاره نه ده
خپور شوی: 2024-07-1 12:40
وروستی سمون: 2024-07-1 14:46
ویډیويي صحنې
د غزې تړانګه د غزې ښار – د جون 22، 2024 (CGTN)د چینايي وګړو لپاره نه ده
۱ـ د الشطي کډوالو په کمپ باندې د اسراییلو له هوايي برید وروسته بېلابېلې کنډوالې، اوسېدونکي، د ملکي دفاع ټیمونه، طبي کارکوونکي چې د ژوندي پاتې کسانو په لټه کې دي.
د غزې تړانګه – د جون 24، 2024 (CGTN) د چینايي وګړو لپاره نه ده
۲ـ د الشفاء روغتون ګنې ویجاړ شوې ودانۍ، بلدوزر ګاډی د کار کولو پر مهال
۳ـ د اسراییلو د بریدونو وروسته د ودانۍ داخلي برخې
۴ـ یوه مور چې په خپله غېږ کې یې ماشوم نیولی دی
۵ـ ګڼ کارکوونکي د ترمیم شوي جدي پاملرنې روغتیایي خونه کې د تجهیزاتو بدلولو پر مهال
د غزې تړانګه – د جون 9، 2024 (CGTN)د چینايي وګړو لپاره نه ده
۶ـ په روغتون کې ټپي ناروغان
د غزې تړانګه – د مې 29، 2024 (CGTN)د چینايي وګړو لپاره نه ده
۷ـ یو پلار چې په خپله غېږ کې یې ماشوم نیولی دی
بشپړ خبر
د فلسطین روغتیايي چارواکو د یکشنبې په ورځ خبر ورکړ چې پر غزې تړانګه د اسراییلو د روانو بریدونو له امله د وژل شویو کسانو شمېره ۳۷۸۷۷ کسانو ته رسېدلی دی.
دغه راز روغتیایي چارواکو په یوه وروستي راپور کې ویلي چې د ۲۰۲۳ کال د اکتوبر په میاشت کې د فلسطین او اسراییلو جګړې له پیل راهیسې په غزه کې له ۸۶۹۰۰ څخه زیات کسان ټپیان شوي دي.
بلخوا د اسراییلو پوځ ویلي چې په تېرو ۲۴ ساعتونو کې یې ۴۳ فلسطینیان وژلي او ۱۱۱ نور یې ټپیان کړي دي.
د فلسطین رسمي خبري اژانس WAFA د خبر له مخې، د یکشنبې له ورځې راهیسې، د اسراییلو پوځ د غزې په بېلابېلو سیمو کې په هوايي او توپچي بریدونو سره لږ تر لږه اووه کسان وژلي او ګڼ نور یې ټپیان کړي دي.
د اسراییلو دفاعي ځواکونو (IDF) د یکشنبې په ورځ د یوې اعلامیې په خپرولو سره ویلي چې د اسراییلو پوځ د غزې په رفح ښار او ځینو نورو سیمو کې پوځي عملیاتو ته دوام ورکړی چې په ترڅ کې یې ګڼ شمېر فلسطینیان وژل شوي دي.
په ورته مهال کې د غزې تړانګې د روغتیا ریاست په یوه بیان کې چې په خواله رسنیو کې خپور شوی، ویلي چې په غزه کې پاتې روغتونونه، طبي مرکزونه او د اکسيجن سټیشنونه به په راتلونکو ۴۸ ساعتونو کې د جنراتورونو د چلولو لپاره د اړتیا وړ تېلو د کمښت له امله خپل فعالیت ودروي.
روغتیايي چارواکو پر ټولو اړوندو نړیوالو سازمانونو او بشردوستانه ادارو غږ کړی چې ژر تر ژره دې په روغتونونو کې د جنراتورونو د ساتلو لپاره د سون توکو او ماشینونو پرزې برابرې کړي.
