د چین-سایبر فضا حکومتولي/قانون
ایډي: 8381991
نېټه: د جون 18، 2024
ځای: چین
موده: ۵۱ ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 2024-06-19 08:10
وروستی سمون: 2024-06-19 08:14
ویډيويي صحنې
چین بېجینګ – د جون 18، 2024 (CCTV) د چینايي وګړو لپاره نه ده
۱ـ مطبوعاتي کنفرانس روان دی
۲ـ ګڼ شمېر خبریالان
چین بېجینګ – نېټه معلومه نه ده (CCTV) د چینايي وګړو لپاره نه ده
۳ـ د سترې محکمې ودانۍ
۴ـ له هوا څخه د ترافيکو ويډیويي صحنې
چین – دقیق ځای او نېټه نامعلومه (CCTV) د چینايي وګړو لپاره نه ده
۵ـ له هوا څخه د ښار د منظرې ويډیويي صحنې
۶ -چلوونکي چې ګرځنده تلیفونونه لري، ګڼ ټرافیک
۷ـ د دفتر بېلابېل کارکوونکي د کمپیوټر د کارولو پر مهال
۸ـ د ډیجیټل شواهدو راټولولو، تحلیلي لابراتوار کې د پولیسو ګڼ شمېر افسران
۹ـ د محکمې بېلابېلې برخې
چین شانګهای – نېټه معلومه نه ده (CCTV) د چینايي وګړو لپاره نه ده
۱۰ـ له هوا څخه د سیند په لاره کې د ګڼو خلکو ویډیويي صحنې
چین – دقیق ځای او نېټه نامعلومه (CCTV) د چینايي وګړو لپاره نه ده
۱۱ـ له هوا څخه د ښار د منظرې ويډیويي صحنې
بشپړ خبر
د چين سايبر فضا ادارې یاCAC مرستيال وانګ سونګ د سې شنبې په ورځ په بېجينګ کې د یوې خبري غونډې پر مهال ویلي، چې چین د ډیجیټل نړۍ د مدیریت لپاره د تقنین په برخه کې د پام وړ پرمختګونه کړي او دغه راز یې د انلاین فعالیتونو د تنظیم لپاره څه باندې ١٥٠ قوانين تدوین کړي دي.
نوموړي مرستیال خبريالانو ته په یاده خبري غونډه کې زیاته کړې، چې چين د قوانينو او مقرراتو د يو بشپړ سيستم، د پلي کولو د ډېر موثر سيستم، د ځیرکې او جدي څارنې سيستم او د پیاوړي ملاتړي سيستم په جوړولو سره د سايبر فضاد ادارې د پياوړتيا لپاره کار کوي.
نوموړی وايي، چين د انټرنيټ د زمانې د ننګونو د حل لپاره د انټرنيټ د نوي ډولونو د حل، د سايبري جرمونو سره د مبارزې او د انټرنيټ د کاروونکو د قانوني حقونو د خونديتوب لپاره ګړندۍ هڅې کوي.
وانګ دغه راز وویل، چې د څارنې په برخه کې، چين د سايبر قانون جوړونې لپاره د ثبت او بياکتنې سيستم ښه کړی او د سايبر قانون د پلي کولو په اړه يې د بشپړې څارنې بهير لا پیاوړی کړی دی.
نوموړي د خپلو خبر په دوام سره زیاته کړه، چې چين د سترو اداري مجازاتي پرېکړو لپاره د قانوني بياکتنې سيستم لا ښه کړی. دوی دغه راز د سایبر قانون پلي کولو او قضایي بنسټونو ترمنځ همغږي هم ښه کړې څو قضیې په اغېزناکه توګه کنټرول او حل کړي.
نوموړي چارواکي يادونه وکړه چې له تېرو دېرشو کلونو راهيسې چين په بشپړه توګه له انټرنيټ سره وصل شوی، په تېره بيا له ٢٠١٢ کال راهيسې چې دغه هېواد نوې زمانې ته داخل شوی، چې د قانون پر بنسټ د سايبري فضا د اداره کولو د لوړ کيفيت ټولنيز اقتصادي پرمختګ په ملاتړ او پرمختيا کې فعال رول یې لوبولی دی.
