د ملګرو ملتونو نړیوال تمدن ډیالوګ ورځ / رسمي
ایډي: 8380876
نېټه: د جون 10، 2024
ځای: چین
موده: ۴۲ ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 2024-06-11 06:28
وروستی سمون: 2024-06-11 06:33
ويډيويي صحنې
دقیق ځای او نیټه معلومه نه ده (CCTV) د چینايي وګړو لپاره نه ده
۱ـ د ملګرو ملتونو د سرمنشي مرستیال میګویل موراتینوس انځور د ملګرو ملتونو د تمدنونو د اتحاد لوړ استازی
بیجینګ، چین – د جون 10، 2024 (CCTV) د چینايي وګړو لپاره نه ده
۲ـ د تمدنونو ترمنځ د ډیالوګ د نړیوالې ورځې په مناسبت د استازي پیغام سکرین شاټونه په رسمي ویب پاڼه کې خپاره شوي
د ملګرو ملتونو مرکزي دفتر، نیویارک ښار – نیټه نامعلومه ده (CCTV) د چینايي وګړو لپاره نه ده
۳ـ د ملګرو ملتونو بېلابېل بیرغونه، د مرکزي دفتر ودانۍ، د ملګرو ملتونو لوګو نښان
بشپړ خبر
د ملګرو ملتونو د تمدنونو اتحاد (UNAOC) د یکشنبې په ورځ د عمومي اسامبلې لخوا د تصویب شوي پرېکړه لیک هرکلی وکړ، چې د جون لسمه يې د تمدنونو ترمنځ د ډیالوګ د نړیوالې ورځې په توګه منظور کړې ده.
د ملګرو ملتونو د تمدنونو اتحاد (UNAOC) لوړپوړي استازي میګویل موراتینوس په یوه مطبوعاتي خبرپاڼه کې وویل، چې د تمدنونو ترمنځ ډیالوګ د نړیوالو ارزښتونو او د کلتوري تنوع د ارزښت په اړه د پوهاوي په لوړولو کې عمده مرسته کوي.
نوموړي د خپلو خبرو پر مهال د پرېکړه لیک له ملاتړو او دغه راز د چین او ټولو غړو هېوادونو څخه مننه وکړه چې د تمدنونو، کلتورونو، مذهبونو او باورونو ترمنځ د تفاهم او درناوي په برخه کې د تمدنونو اتحاد (UNAOC) د ارزښتناک رول ستاینه کوي هغه د خبرو اترو لپاره د یوه مهم پروګرام په توګه د (UNAOC) نړیوالو فورمونو څخه د دوی د اعتراف ستاینه هم وکړه چې بېلابېل اړخونه لکه د مدني ټولنې سازمانونه، مذهبي مشران، ځوانان، رسنۍ، هنرمندان او ورزشکاران پکې شامل دي.
هغه په نړیواله ټولنه غږ وکړ چې یاده تنوع ونمانځي دغه راز د توپیرونو درناوی وکړي او په بې توپیره توګه د انساني کرامت ساتنه وکړي.
د یادونې وړ ده چې د ملګرو ملتونو د عمومي اسامبلې په ۷۸مه غونډه کې د جمعې په ورځ د چين لخوا د تمدنونو ترمنځ د ډیالوګ د نړيوالې ورځې د نومولو وړانديز شوی پرېکړه ليک تصويب شوی دی.
په پرېکړه لیک کې ویل شوي چې ټولې تمدني لاسته راوړنې د بشریت ګډ ټولنیز میراث دی. یاد پرېکړه لیک د تمدنونو تنوع ته د درناوي غوښتنه هم وکړه، او دغه راز یې د نړۍ د سولې په ساتلو، د ګډ پرمختګ په وده، د انسان هوساینې ته په وده ورکولو، او ډله ییز پرمختګ ته د رسېدو لپاره د تمدنونو ترمنځ د ډیالوګ پر مهم رول باندې ټینګار وکړ.
