سوډان – شخړه / بې ځایه شوی نفوس
ایډي: 8380484
نېټه: د جون 6، 2024
ځای: سوډان
موده: یوه دقیقه او څلورویشت ثانيې
سرچینه: (CCTV)
محدودیتونه: د چینايي وګړو لپاره نه ده / العربیه تلویزیون / منځني ختیځ نشراتي مرکزو لپاره نه ده
خپور شوی: 2024-06-08 11:31
وروستی سمون: 2024-06-08 14:53
ویډیويي صحنې
سوډان خرطوم – د جولای 5، 2023 (CCTV)د چینايي وګړو لپاره نه ده
۱ـ د شخړو له ساحې څخه بېلابېل لوګي پورته کېږي
سوډان – نېټه نامعلومه (CCTV) د چینايي وګړو لپاره نه ده
۲ـ بېلابېل کورونه؛ د سګرټ څکولو صحنه
سوډان د لویې پلازمېنې سیمه، – 2023 (CCTV) د چینايي وګړو لپاره نه ده
۳ـ له هوا څخه د بسونو، پیاده لارویانو، او ګڼو باروړونکو لاریو کې د وسله والو پرسونل
۴ـ ګڼ وسایط چې وسله وال پرسونل لېږدوي
سوډان – نېټه نامعلومه (CCTV) د چینايي وګړو لپاره نه ده
۵ـ ډېری خلک چې د خوړو ترلاسه کولو لپاره په کتار کې انتظار باسي
۶ـ د کلینیک بهر ولاړ ګڼ خلک، طبي کارکوونکي
۷ـ د بېلابېلو خېمو، بې ځایه شوي خلک
۸ـ ګڼ شمېر ناروغان روغتون ته د انتقالولو پر مهال
۹ـ په روغتون کې ګڼ شمېر خلک
۱۰ـ د روغتون په خونه کې ګڼ ناروغان
۱۱ـ هغه کارکوونکي چې په درملتون کې د کار کولو پر مهال لیدل کېږي
۱۲ـ یوه ښځه چې ماشوم یې نیولې او د درملتون د کارکوونکي سره په خبرو کولو بوخته ده
بشپړ خبر
د کډوالۍ نړیوالې ادارې یا ای او اېم (IOM) د پنجشنبې په ورځ خبر ورکړی چې په سوډان کې د جګړو له امله د بې ځایه شویو کسانو شمېر به ډېر ژر له ۱۰ میلیونو څخه واوړي.
دې سازمان په دې اونۍ کې د سوډان په ټولو ۱۸ ایالتونو کې ۹.۹ میلیونه داخلي بې ځایه شوي خلک ثبت کړي.
د ای او اېم (IOM) په وینا، د ټولو داخلي بې ځایه شویو خلکو نیمایي څخه زیاتې ښځې او نجونې دي، او د دوی څلورمه برخه یې د پنځو کلونو څخه کم عمره ماشومان دي.
د یاد سازمان په وینا، په ټولیز ډول په سوډان کې شاوخوا ۱۲ میلیونه وګړي د خپلو کورونو پرېښودو ته اړ شوي دي، او دغه راز څه باندې دوه میلیونه ګاونډیو هېوادونو لکه چاد، سویلي سوډان او مصر کې پناه اخیستې ده.
اوس مهال یاد هېواد د کډوالو مخ پر زیاتېدونکی ناورین، د سختې قحطۍ او د ساري ناروغیو د خپرېدو له جدي ګواښ سره مخ دی.
په ورته وخت کې د IOM عمومي مشرې ایمي پوپ ویلي، چې په سوډان کې د بېړنیو او پام وړ بشري مرستو سره سره، د اړتیا وړ بودجې له مخې یوازې ۱۹ سلنه چمتو شوې. هغې په دې هېواد کې د نږدې قحطۍ مخنیوي لپاره د متحد نړیوال اقدام غوښتنه وکړه.
د سرچینو په وینا په الفشر ټاون کې روغتون چې هلته یوازینی فعال روغتیایي مرکز دی په دې اونۍ کې د درې ځله بمبارۍ وروسته د تړل کېدو سره مخ شوی دی.
د مې په ۱۰ مه نېټه د سیمه ییزو جګړو له پیل راهیسې، روغتون چې د بې پولې ډاکټرانو (MSF) لخوا يې ملاتړ کېږي ، د ۱۲۸۰ ټپیانو درملنه کړې، چې ۲۰۳ یې د ټپونو له امله ساه هم ورکړې ده.
د یادونې ده چې په دې هېواد کې وسله واله شخړه د ۲۰۲۳ کال د اپرېل په ۱۵ نېټه په پلازمېنه خرطوم کې د سوډان د وسله والو ځواکونو او نیمه نظامي چټک ملاتړ ځواکونو ترمنځ پیل شوه او وروسته په ټول هېواد کې په بشري ناورین واوښته.
