د تایلینډ – سنګاپور الوتکه / بیړنۍ ناسته
ای ډي: 8377976
نیټه: د مې 22، 2024
ځای: تایلنډ
موده: ۴۶ ثانیې
سرچینه: (CCTV)
محدودیتونه: د چینايی وګړو لپاره نه ده
خپور شوی: 2024-05-22 13:01
وروستی سمون: 2024-05-22 13:57
ویډیويي صحنې
تایلینډ، بنکاک، – د مې 21، 2024 (CCTV) د چینايی وګړو لپاره نه ده
۱ـ هوایي ډګر، ګڼ بېلابېلې برخې، بهر، وسایط، مسافرین، د معلوماتو لوحه
۲ـ د هوايي ډګر داخلي برخه
۳ـ غږ(تای) د سوورنابومی هوایي ډګر عمومي مدیر: کیټ یپونګ کیتی کاکورن
موږ دا پیغام ترلاسه کړ چې د سنګاپور ایرلاین الوتکه د سوورنابومي په هوایی ډګر کې د کښته کیدو په لټه کې وه ځکه چې یو طوفان په الوتکه کې مسافر ژوبل کړي وو. دوی د سوورنابومي هوايي ډګر ګڼ شمیر ټپیان او یو مړ موندلی، او اړونده څانګې او کارمندان د ژغورنې لپاره کیبن ته ننوتل.
۴ـ په هوايي ډګر کې خبريالان
بشپړ خبر
د تایلند چارواکو په وینا چې د سنګاپور ایرلاین الوتنې SQ321 د سې شنبې په ورځ له لندن څخه سنګاپور ته په لاره وه چې د سخت توپان له کبله یو مسافر پکې ووژل شو او 30 نور ټپیان شول او الوتکه یې د بنکاک سوورنابومي هوایي ډګر کې بېړنۍ ناسته وکړه. د ځايي راپورونو له مخې وژل شوی کس ۷۳ کلن او د برېټایې تبعه و.
د سنګاپور هوايي شرکت په یوه راپور کې وویل، دغه الوتکه په لاره کې سخت توپان سره مخ شوه او اړه شوه چې سنګاپور ته د تګ پر ځای د تایلند بنکاک ته ولاړه شي او بېړنۍ ناسته وکړي.
د هوايي شرکت د معلوماتو له مخې، په الوتکه کې ټولټال ۲۱۱ مسافر او د عملې ۱۸ غړي سپاره وو.
د سوورنابومي هوایي ډګر عمومي مدیر وویل، هغه مسافر چې ټپیان شوي، د اوو تنو حالت نازک دی، او د درملنې لپاره نږدې روغتون ته وړل شوي.
نوموړي څرګنده کړه چې دوی د سنګاپور هوايي شرکت الوتنې په اړه پیغام ترلاسه کړ چې د سنګاپور هوایې شرکت الوتکه د سوورنابومي په هوایي ډګر کې د ښکته کېدو په لټه کې وه ځکه چې د یوه سخت توپان له کبله په الوتکه کې مسافر ژوبل شوي وو. کله چې الوتکه ښکته شوه، د هوايي ډګر په کابین کې یو شمېر ټپیان او یو وژل شوی کس وموندل شو، او اړونده څانګې او کارمندان د ژغورنې لپاره ساحې ته ننوتل.
نوموړي یوې خبري غونډې ته وویل، د هوایي ډګر چارواکي پاتې مسافرینو ته مرستې چمتو کوي پداسې حال کې چې یوه بله الوتکه به هم د سه شنبې په شپه په هوایي ډګر کې ښکته شي.
د الوتنې د معلوماتو څانګې په وینا، کله چې الوتکه تایلند ته نږدې شوه الوتنې په پنځه دقیقو کې څه دپاسه ۱۸۰۰ مترو په ارتفاع بېړنی نزولي سرعت هم خپل کړ.
