د غزې تړانګه – شخړه / مرګ ژوبله
ایډي: 8373464
نېټه: د اپریل 21، 2024
ځای: نور؛
موده: یوه دقیقه او 28 ثانیې
سرچینه: (CCTV)، (CGTN)، UNifeed
محدودیتونه: ویډیویي صحنې وګورئ
خپور شوی: 2024-04-22 12:34
وروستی سمون: 2024-04-22 21:02
ويډیویي صحنې
خان یونس، د غزې تړانګه – د اپریل 11، 2024 (CCTV – د چینایي وګړو لپاره نه ده)
۱- د ویجاړو ودانیو له شا څخه مختلف تور لوګي پورته کېږي
۲- د ویجاړو شویو ودانیو بېلابېل ډولونه
خان یونس، د غزې تړانګه – د اپریل 9، 2024 (CCTV – د چینایي وګړو لپاره نه ده)
۳- مختلف کاروانونه، موټرونه چې د ویجاړ شویو ساحو څخه تېرېږي
۴- مختلفې ویجاړې شوې ودانۍ، اوسېدونکي
د رفح ښار، د غزې تړانګه – وروستی (CGTN – د چینایي وګړو لپاره نه ده)
۵- د بې ځایه شویو فلسطینیانو لپاره د حیفا کمپ
کرم ابو سلیم، د غزې تړانګه – د اپریل 11، 2024 (CCTV – د چینایي وګړو لپاره نه ده)
۶- په لاریو کې مختلف توکي، د مرستې رسول
د رفح ښار، د غزې تړانګه – وروستی (CCTV – د چینایي وګړو لپاره نه ده)
۷- ډېری خلک اوبه راوړي
د غزې تړانګه – د اپریل 5، 2024 (یونیفیډ – د چینایي وګړو لپاره نه ده)
۸- د خوړو د توزیع په ځای کې بېلابېل خلک چې د خوړو نړیوال پروګرام لخوا تنظیم شوي؛ ماشومان چې خواړه ترلاسه کوي.
بشپړ خبر
د حماس ادارې د روغتیا وزارت د یکشنبې په ورځ په یوه خبرتیا کې ویلي چې د غزې په جګړه ځپلې تړانګه کې د اسراییلو د روانو بریدونو له امله د وژل شویو فلسطینیانو شمېر ۳۴۰۹۷ ته رسېدلی دی.
د اسراییلو پوځ په تېرو ۲۴ ساعتونو کې ۴۸ فلسطینیان وژلي او ۷۹ نور یې ټپیان کړي دي، چې په دې سره د ۲۰۲۳ کال د اکټوبر له ۷مې د اسراییلو او حماس د جګړې له پیلېدو راهیسې د وژل شویو شمېر ۳۴۰۹۷ او د ټپیانو شمېر ۷۶۹۸۰ ته رسېدلی دی.
فلسطیني ټلویزیون د یکشنبې په ورځ راپور ورکړ چې اسراییلي پوځ د غزې تړانګې په جنوب کې د رفح په ګڼو استوګنځایونو هوايي بریدونه کړي چې لږ تر لږه ۱۹ کسان یې وژلي دي.
ویل کېږي چې په وژل شویو کې لویه برخه ښځې او ماشومان دي چې په کې یوه امیندواره ښځه هم شامله ده.
د رویټرز خبري اژانس د راپور له مخې، ډاکټرانو د امیندواره مېرمنې بېړنۍ درملنه کړې ده څو د هغې سره د ماشوم په زېږون کې مرسته وکړي، چې اوس په ښه حالت کې ده.
د فلسطین د روغتیا وزارت لخوا د یکشنبې په ورځ په خپره شوې خبرپاڼه کې ویل شوي دي چې اسراییلي ځواکونو د لوېدیځې غاړې په حبرون ښار کې له فلسطینیانو سره نښته کړې چې په ترڅ کې یې دوه تنه ټپیان شوي دي. دوه قربانیان، چې عمرونه یې ۱۸ او ۱۹ دي، د یوې کورنۍ څخه وو.
بلخوا د اسراییلو دفاعي ځواکونو (IDF) د یکشنبې په ورځ وویل چې یوې فلسطینۍ ښځې په همدې ورځ د لوېدیځې غاړې په شمال کې په یوه پوسته کې پر اسراییلي پوځیانو د چاقو د برید هڅه وکړه چې اسراییلي پوځیانو په ډزو وویشتله او ژوند یې له لاس ورکړ.
همدرانګه حماس د امریکا د استازو جرګې لخوا له اسراییلو سره د مرستو د لایحې تصویب وغانده.
خبرپاڼه کاږي چې دا قانون د نړیوالو قوانینو خلاف دی او د اسراییلو حکومت ته اجازه ورکوي چې د غزې د خلکو په وړاندې خپلو ظلمونو ته دوام ورکړي.
د شنبې په ورځ د امریکا د استازو جرګې له اسراییلو سره د ۲۶ میلیارد ډالرو د مرستې لایحه تصویب کړه.
اسراییلو د ۲۰۲۳ کال د اکټوبر په ۷ مه د اسراییلو د سویلي پولو له لارې د حماس د غچ اخیستنې په موخه د غزې په تړانګه کې د حماس پر خلاف په پراخه کچه بریدونه پیل کړل چې په ترڅ کې یې شاوخوا ۱۲۰۰ تنه ووژل شول او تر ۲۰۰ زیات یرغمل شول.
