د بلخ ولايت د خوړو او درملو رياست مسولینو خبر ورکړی، چې په دغه ولایت کې یې ۲۱ ټنه تر وخت تېر خوراکي توکي او درمل چې ټول ارزښت يې نږدې ۳ ميليونه افغانۍ وو، سوځولي دي. د دغه ولایت د خوړو او درملو رييس ډاکټر عبدالوحید عابدي وايي چې دغه درمل او خوراکي توکي د تېرو ۴مياشتو په موده کې راکړل شوي وو او د بلخ ولايت مقام او يو شمېر نورو ادارو د استازو په شتون کې وسوځول شول. ورته مهال د دغه رياست مسوولینو دا هم ویلي، چې څوک حق نه لري په خپلو دوکانونو کې تاريخ تېر توکي او درمل وپلوري. د مالوماتو له مخې په بلخ ولایت کې د تېرو ۷ میاشتو په موده کې۱۵۷ درملتونونه چې پکې غير مجاز او تاريخ تېر درمل پلورل کېدل په لنډمهاله او اوږدمهاله توګه تړل شوي دي.
