د غور ولایت د مخابراتو او معلوماتي ټکنالوژۍ ریاست چارواکو خبر ورکړی، چې دې ولایت کې ۱۶ نوي مخابراتي سایټونه جوړ شوي دي. د یاد ولایت د مخابراتو او معلوماتي ټکنالوژۍ رييس ویلي، چې دوى د مخابراتو وزارت په همکارۍ او همغږۍ په دغه ولايت او ولسواليو کې د سلام، اتصالات او افغان بسيم شرکتونو په ګډون ١٦ مخابراتي انتنونه فعال کړي دي. د هغه په وينا، د دې ولايت په بېلابېلو سيمو او ولسواليو کې د مخابراتي انتنونو د نصبولو لپاره ۱۹ نورې سیمې هم سروې شوې او په راتلوونکي کال کې به هلته هم د فعالولو چارې پيل شي. د یادولو وړ ده، چې په راتلوونکي کال کې د ١٩ سروې شويو سايټونو په فعالولو سره به د غور ولایت خلک له مخابراتي خدمتونو څخه برخمن شي.
