د افغانستان او متحده عربي اماراتو کرکت ملي لوبډلو ترمنځ سبا جمعه د ۳ شل اوریزو سیالیو لوبلړۍ پیلېږي. د مالوماتو له مخې د دواړو لوبډلو ترمنځ لومړۍ شل اورېزه لوبه د افغانستان په وخت سبا ماسپښین درې نیمې بجې د شارجې ښار په لوبغالي کې ترسره کېږي. د افغان کرکټ بورډ د مهالوېش له مخې د افغانستان او اماراتو لوبډلې د دغې لوبلړۍ دویمه لوبه د ډیسمبر په ۳۱مه او درېیمه هغه د جنورۍ په دویمه نېټه ترسره کیږي. د یادولو وړ ده، چې تردې وړاندې د دواړو لوبډلو ترمنځ لومړی دوه تمریناتي سیالۍ ترسره شوې، چې دواړه هغه افغان لوبډلې وګټلې.
