د کډوالو او بېرته راستنېدو چارو سرپرست وزیر په کابل کې د ترکیې له سفیر جنک اونال سره د ترکیې له زندانونو د افغانانو په ازادېدو، د افغان کډوالو د ستونزو پر حل او یو شمېر نورو موضوعاتو خبرې کړې. د کډوالو چارو سرپرست وزیر په دې لیدنه کې ټینګار کړی، چې له افغان کډوالو سره باید د اسلامي لارښوونو په رڼا کې چلند وشي او د ترکیې له سفیر څخه یې غوښتي، چې د غیرې قانوني کډوالو لپاره دې پر قانوني تګلاره کار وشي او افغانانو ته دې ویزې او نورې اسانتیاوې برابرې شي.
