د ننګرهار ولایت د کلیو بیا رغونې او پراختیا ریاست ویلي، چې په دغه ولایت کې د اوبو رسولو ۶ شبکې جوړوي او شاوخوا ۱۵۰۰ کورنیو ته به د څښاک پاکې اوبه برابرې شي. د کلیو بیارغونې او پراختیا ریاست مسوولینو ویلي، چې دوی په دور بابا ولسوالۍ کې دغه د پاکو اوبو رسولو شپږ پروژې بشپړوي، چې د يادې ولسوالۍ په لوی راغه، شګۍ، اوبلن، پړانګ درې، غوړکي او قصابه سیمو کې دي. دا په داسې حال کې ده، چې د افغانستان د سرپرست حکومت تر واکمنېدو ورسته د هیواد په ټولو ولایتونو کې ورته پروژې او رغنیزې چارې په چټکۍ سره روانې دي.
