د بشري حقونو د څار سازمان وايي، چې پاکستان له افغان کډوالو سره ناوړه چلند کوي او پرته له دې چې د ستنېدو لپاره قانوني شرایط ورته چمتو کړي له دې هېواد څخه یې په جبري ډول باسي.
هیومن رایټس واچ په یوه بیان کې ویلي، چې په دې افغانانو کې ډېر داسې کسان هم شته چې په امریکا، بریتانیا، جرمني او کاناډا کې د ځای پرځای کېدو قانوني مراحلو ته سترګې په لاره دي. دغه سازمان زیاته کړې ده، چې د پاکستاني چارواکو پرلهپسې څرګندونو له افغان کډوالو سره د ځورونو، حملو او خپلسرو نیونو په ګډون د پولیسو ناوړه چلند هم راپارولی دی.
