د اوسپنې پټلۍ ادارې رییس وايي، د افغان – ټرانس پروژه لا زیاتې بودجې ته اړتیا لري چې د سرپرست حکومت له بیا واکمنېدو مخکې یې د اسیا پراختیايي بانک د ملاتړ ژمنه کړې وه خو تر اوسه څرګنده نه ده چې دغه بانک به یې مالي ملاتړ وکړي او که نه. بخت الرحمن شرافت وایي چې، د دغې پروژې له پلي کېدو سره به سویلي اسیا له منځنۍ اسیا سره و نښلول شي. یو شمیر سوداګر بیا پر دې باور دي چې د سیمې له هېوادونو سره د سوداګرۍ د ودې لپاره اړتیا ده چې د اوسپنې پټلۍ زیاتې شي. د اوسپنې پټلۍ د ادارې د ورکړل شویو مالوماتو له مخې، د روان لمریز کال له پیله تر دې دمه د هېواد د اوسپنې پټلیو له لارې دوه میلیونه ټنه انتقالات شوي دي.
