د افغاني سرې میاشتې ټولنې رییس په ترکیه کې یوې غونډه کې ویلي چې افغانستان له هر بل وخته ډېر بشرپاله مرستو ته اړتیا لري. نوموړي په دې غونډه کې په افغانستان کې د بشري او اقتصادي ناورین د څېړنې په موخه په ترکیه کې جوړه شوې وه، له افغانستان سره د نړۍ د همکارۍ غوښتونکی شوی دی. د افغانستان د بشري او اقتصادي وضعیت په تړاو د ترکیې، قطر، بریتانا، اسټرالیا، کاناډا، جرمني، ناروې، فنلنډ، ډنمارک او د ملي ټولنې له نړۍوال فډراسیون سره د افغاني سرې میاشتې ټولنې غونډه د ترکیې په کوربتوب جوړه شوه. په دې غونډه کې د افغاني سرې میاشتې ټولنې سرپرست د افغانستان اقتصادي وضعیت اندېښمنونکی وباله او په هېواد کې یې له اړمنو سره د نړۍوالې ټولنې او مرستندویو بنسټونو د مرستې غوښتنه وکړه. له دې سره هممهاله، په دې غونډه کې د ګډونوالو هېوادونو استازو ژمنه کړې ده، چې له افغانانو سره خپلې بشري مرستې زیاتې کړې او په هېواد کې له اړمنو سره د مرستې په موخه د نړۍوالې ټولنې پام راجلب کړي.
