د بهرنیو چارو سرپرست وزیر د افغانستان لپاره د پاکستان ځانګړي استازي آصف علي دراني سره کتلي. بهرنیو چارو وزارت ویلي، چې د یاد وزارت سرپرست وزیر د افغانستان لپاره د پاکستان له ځانګړي استازي آصف علي دراني سره په دوه اړخیزو اړیکو او یو شمېر نورو مهمو مسایلو خبرې کړې دي. د بهرنیو چارو وزارت ویاند په خپله ټوېټر پاڼه د آصف علي دراني پر حواله لیکلي، هڅه کوو چې د دواړو هېوادونو ترمنځ اړیکې لا پیاوړې شي او حاضر یو په سیاسي، اقتصادی او نورو برخو کې دوه اړخیز میکانیزمونه جوړ او پلي کړو، د تورخم – جلال آباد سړک د رغولو پاته کار ته به جدي توجه وکړو چي پیل یې کړو او دغه راز افغانانو ته د ویزو په برخه کې په ځانګړې توګه د ناروغانو لپاره اسانتیاوې رامنځته کړو.
