د بشري حقونو څار نړیوال سازمان د ښځو پیوستون نړیوالې ورځې په مناسبت په نړۍ کې د ښځو حقونه او ستونزې په اړه د خپل رپوټ یوه لنډیز خپور کړی. خو ددې راپور په سر کې افغانستان او افغان مېرمنې یادې شوې دي. نړیوال سازمان لیکلي نړۍ داسې مهال د ښځو نړیواله ورځ او د هغوی لاسته راوړنې نمانځي چې ځینې هېوادونه په چټکې په دې برخه کې شاتګ کوي. رپوټ کاږي چې د افغانستان سرپرست حکومت د ښځو د حقونو په برخه کې له بیا بیا ژمنو سره سره په خپل دریځ ولاړ دی او ورځ تر بلې پکې سختوالی هم راولي. د بشري حقونو څار نړیوال سازمان دارنګه د ایران، سعودي عربستان او یو شمېر نورو هېوادونو یادونه هم کړې چې د ښځو حقونه پکې تر پښو لاندې کېږي. یاد نړیوال سازمان د خپل رپوټ په پای کې د نړۍ په لر او بر کې په ښځو او د ښځو حقونو په ملاتړ غږ کړی چې سره یو شي او په ګډه په یادو هېوادونو کې د ښځو حقونو د خوندیتابه لپاره کار وکړي.
