د ملګرو ملتونو د ماشومانو ملاتړ صندوق (یونیسف) وايي، د ماشومانو لپاره د خوښې او خوندي چاپېریال رامنځته کول له هغوی سره مرسته کوي، چې زدهکړې وکړي، لوبې وکړي او خپلې راتلونکې ته چمتو شي. دغه بنسټ پر خپله اېکسپاڼه لیکلي، چې په بدخشان کې یې د ناروې د بهرنیو چارو وزارت په ملاتړ د ماشومانو لپاره داسې چاپېریال برابر کړی، چې د زدهکړې او ودې فرصتونه پکې شته. یونیسف زیاتوي، هغه ماشومان چې مخکې ښوونځي ته له تګ او له خپلو ملګرو سره له اړیکو بېبرخې وو، اوس کولای شي لیکل زده کړي، لوبې وکړي او د خپلې راتلونکې لپاره موخې وټاکي. دغه بنسټ ټینګار کړی، چې ماشومانو ته د خوندي او مناسب چاپېریال برابرول د هغوی د سالمې ودې او د وړتیاوو د روزنې لپاره مهم دي.
