د ننګرهار په سپین غر ولسوالۍ کې د جاپان د «پياېماېس» موسسې په مالي ملاتړ د شاوخوا دوو میلیونو امریکایي ډالرو په ارزښت د ۱۳ چکډېمونو او تالابونو د جوړولو چارې پیل شوې دي. د ننګرهار د رسنیو دفتر ویلي، په دې پروژه کې د یوه کاریز بیارغونه، د درېیو ابګیرونو او درېیو کانالونو جوړول، پر پنځه جریبه ځمکه د بڼ جوړول او د ۲۰ زره نیالګیو کېنول هم شامل دي. د مسوولینو په وینا، د پروژې چارې به په دوو کلونو کې بشپړې شي او له بشپړېدو وروسته به یې ۳۰۵ هکتاره کرنیزه ځمکه خړوبه شي.
