د امریکا ولسمشر ډونالډ ټرمپ ویلي، هېواد یې پر ایران د بل برید لپاره چمتو دی او د ایران پر وړاندې د امریکا بیا پیل شوی پوځي کمپاین به ډېر دوام ونه کړي. ټرمپ په سپینه ماڼۍ کې خبریالانو ته ویلي چې امریکا د اړتیا په صورت کې هر وخت پر ایران بل برید کولای شي. نوموړي ویلي، ایران هڅه کوله خپل راداري او توغندیز سیسټمونه بېرته ورغوي. ټرمپ ادعا کړې چې امریکا د ایران هغه توغندی هم له منځه وړی چې د ماینونو د غورځولو لپاره جوړېده. دا په داسې حال کې ده چې د امریکا او ایران ترمنځ د بریدونو له بیا پیلېدو سره په سیمه کې تاوتریخوالی یو ځل بیا زیات شوی دی.
