هند او متحده عربي اماراتو د دفاع، انرژۍ او پرمختللې ټکنالوژۍ په برخو کې څو مهمې هوکړې لاسلیک کړې دي. د راپورونو له مخې، دواړو هېوادونو د پوځي همکاریو، سمندري امنیت، سایبري دفاع او نوښتونو پر پراختیا هوکړه کړې ده. همداراز اماراتو اعلان کړی چې په هند کې به د خپلو خامو تېلو زېرمه زیاته کړي او د هند لپاره به په فجیره کې د ستراتیژیکو زېرمو اسانتیاوې برابرې کړي. د هند حکومت ویلي، متحده عربي امارات به په دغه هېواد کې د میلیاردونو ډالرو نوې پانګونه هم وکړي.
