د لوړو زدهکړو وزیر شیخ نداء محمد ندیم د تاتارستان جمهوریت له ولسمشر رستم نورګالیویچ مینیخانوف سره په لیدنه کې پر اقتصادي، سوداګریزو، علمي او تخنیکي همکاریو خبرې کړي. نوموړي همدارنګه افغانستان ته د تاتارستان استادانو او د افغانستان په پوهنتونو کې د تدریس وړاندیز کړی او زیاته کړې يې ده چې دا چاره به د علمي اړیکو پیاوړتیا کې مهم رول ولري. د تاتارستان ولسمشر ویلي، روسي شرکتونه لکه «کاماز» او د هیلیکوپټرو اړوند شرکتونه پخوا په افغانستان کې د کار کولو بریالۍ تجربې لري او باید یو ځل بیا ورته افغانستان کې د فعالیت زمینه برابره شي.
