نیویارک ټایمز راپور ورکړی، چې د ایران او امریکا ترمنځ د سولې پر طرحې د توافق له نهرامنځته کېدو وروسته، د تیلو نړیوالې بیې لوړې شوې او د ونډو بازار د راتلونکو معاملو ارزښت راټیټ شوی دی. د راپور له مخې، برنټ خام تیل، چې د نړۍ د نفتو مهم معیار بلل کېږي، د یکشنبې په ماښام تر درې سلنه ډېر لوړ شوي او د هر بېرل بیه یې له ۱۰۴ ډالرو اوښتې ده. همداراز، د امریکا د نفتو معیار وېسټ ټېکساس انټرمیډیټ هم تر درې سلنه زیات لوړ شوی او د هر بېرل بیه یې له ۹۸ ډالرو لوړه شوې ده. نیویارک ټایمز لیکلي، چې د تیلو د بیو له لوړېدو سره سره، په امریکا کې د پټرولو بیه شاوخوا یو سنټ راکمه شوې او د عادي پټرولو د هر ګیلن اوسطه بیه ۴ اعشاریه ۵۲ ډالرو ته رسېدلې ده.
