د افغانستان د نفت او ګاز شرکت په حیرتان بندر کې د کابل بانک نمبر (۲) د نفتي ذخایرو د بیارغونې پروژه بیا پیل کړې ده. د یاد شرکت د معلوماتو له مخې، د دغو ذخایرو ټول ظرفیت ۶۰ زره ټنه دی، چې دا مهال یې ۲۰ زره ټنه برخه فعاله شوې او د پاتې ۴۰ زره ټنو د بشپړېدو چارې هم روانې دي. مسوولین وایي، د دې پروژې چارې له ۱۷ کلن ځنډ وروسته بیا پیل شوې دي. د مسوولینو په وینا چې د دغو ذخایرو بیا فعالېدل به د انرژۍ سکتور په پیاوړتیا، د ذخایرو ظرفیت لوړونې او د بېړنیو حالاتو پر مهال د اړتیاوو په پوره کولو کې مهم رول ولري.
