د ملګرو ملتونو د بشري حقونو ځانګړي راپور ورکوونکي ریچارد بېنټ له افغانستان او پاکستان غوښتي چې دایمي اوربند ته ورسېږي او د ملکي وګړو ساتنه یقیني کړي. هغه د کابل په روغتیايي مرکز د پاکستان برید په اړه د چټکو، خپلواکو او شفافو څېړنو غوښتنه هم کړې ده. د افغانستان او پاکستان ترمنځ نښتې د تېر کال د حوت له درېیمې نېټې وروسته پیل شوې، خو دواړو لورو تېره اونۍ د کوچني اختر په مناسبت د اوربند اعلان کړی. بېنټ ټینګار کړی چې دواړه خواوې باید نړۍوالو قوانینو ته درناوی وکړي.
