د ترکیې د کډوالو ادارې ویلي چې په تېر یوه کال کې په دغه هېواد کې ۱۵۲ زره کډوال د قانوني اسنادو نه لرلو له امله نیول شوي چې تر ۴۲ زرو ډېر یې افغانان دي. یادې ادارې ویلي، د روان ۲۰۲۵ میلادي کال له پیله په دغه هېواد کې تر ۱۵۲ زره غیرقانوني کډوال نیول شوي دي. سرچینې ویلي، له یادې ډلې تر ۴۰ زرو ډیر یې افغانان دي. د ترکیې د کډوالو ادارې د معلوماتو له مخې، له افغانانو وروسته په دغه هېواد کې تر ټولو ډېر نیول شوي کسان د سوریې، ازبکستان، ترکمنستان او ایران اتباع دي. د بيبيسي د یوې نوې څېړنې له مخې، افغان کډوال دا مهال د نړۍ له سلو ډېرو هېوادونو کې ژوند کوي او د ثبت شوو شمېر یې له شپږو میلیونو اوښتی دی.
