د ملګرو ملتونو د بشردوستانه مرستو د همغږۍ دفتر (اوچا) راپور ورکړی، چې د افغانستان په ختیځ کې له زلزلې څو میاشتې وروسته ۲۲۳ زرو کسانو مرستې ترلاسه کړې دي. په راپور کې راغلي چې ګڼ شمېر زلزله ځپلي لا هم بېړنیو مرستو ته اړتیا لري. اوچا ټينګار کړی چې زلزله ځپلو ته د اړتیا وړ یوازې ۳۴ سلنه مرستې رسېدلې دي. د روان کال د اګست پر ۳۱مه د ریښتر په کچه شپږ درچې زلزلې کونړ او ننګرهار ولړزاوه چې له کبله یې څه باندې دوو زرو کسانو ژوند له لاسه ورکړ. څه موده وړاندې د افغانستان په شمال کې هم زلزله وشوه چې په پایله کې یې لسګونه کورنۍ زیانمنې شوې.
