د بهرنیو چارو وزارت خبر ورکړی، چې په افغانستان کې د ملګرو ملتونو د مرستندویه دفتر (یوناما) سرپرستې جورجیټ ګانیون د بهرنیو چارو له وزیر امیرخان متقي سره کتلي دي. سرچینې ویلي، چې په دې کتنه کې مېرمن جورجيټ پر خوست او کونړ د پاکستاني لوري د بمبار له امله د ښځو او ماشومانو پر وژل کېدو خواشیني ښودلې ده. د مالوماتو له مخې، نوموړې ټينګار کړی چې د ملکي تلفاتو د مخینوي لپاره دې نړیوال قوانین مراعات شي. هغې د افغانستان او پاکستان ترمنځ د ټرانزیټي لارو له بند پاتې کېدو اندېښنه ښودلې او زیاته کړې ده چې د یوناما زرګونه ټنه بشردوستانه مرستې چې پکې خوراکي او تغذیهيي مواد دي، په لارو کې بند پاتې دي.
