د ا.ا مشرتابه ویلي، د اسلامي نظام د اقامې ستر هدف د محمدي غرا شریعت نفاذ او د شرعي محاکمو او صحیح قضاء له لارې د شریعت عملي تطبیق دی. د ا.ا ویاند ویلي، شیخ هبتالله آخندزاده دا څرګندونې په کندهار کې د لوړو زدهکړو وزارت د ديني جامعاتو او د افتاء او قضاء د تخصصي څانګو د مسئولینو او فاضلانو په یوه غونډه کې وکړې. ذبیح الله مجاهد زیاته کړې، مشرتابه ديني علماوو ته د اخلاص، وحدت او مسوولیت احساس سپارښتنه وکړه او هغوی ته یې ډاډ ورکړ چې ا.ا د ديني زدهکړو او علمي بنسټونو ملاتړ ته ژمن دی. شیخ هبتالله آخندزاده فاضلانو ته ویلي، چې په افتاء او قضاء کې مهارت زیات کړي، د فتوی پر مهال د شرعي اصولو پوره رعایت وکړي او د متقدمینو د علماوو اثار د اصلي مرجع په توګه وکاروي. هغه همدارنګه علماء متوجه کړي چې د امامت کبرا مهمې مسئلې په درسي حلقو کې مطرح کړي، څو عام مسلمانان د اسلامي امامت له ارزښت او مسوولیت څخه باخبره شي.
