د راپورونو له مخې د برازیل په ریو دو ژانیرو ښار کې د نشهیي توکو د مافیایي ډلو پروړاندې د پولیسو عملیاتو کې لږ تر لږه ۱۳۲ کسان وژل شوي دي. د سیمه ییز چارواکو په خبره له دې عملیاتو دفاع کوي؛ خو د ملګرو ملتونو سازمان د دغې پېښې د څېړنې غوښتنه کړې ده. دا د برازیل په تاریخ کې د پولیسو تر ټولو خونړی عملیات بلل کېږي، چې لږ تر لږه ۱۳۲ کسان په کې وژل شوي دي. تر دې دمه د ریو پولیسو د ۱۱۹ کسانو وژل کېدل تایید کړي دي، چې په هغوی کې څلور د پولیسو افسران هم شامل دي.
